Anmelden
Rots Chrut u ne bluetrote Bach
Ort u Näme:

Je meh, dass i bi de Ortsnäme mitem Wort «rot» tue Sache zämetrage, desto viufäutiger wird das Ganze. Afangemau isch uffäuig, dass es im Ämmitau u Äntlibuech im Verglych zu angerne Gägende vor Schwyz viu settigi Ortsbezeichnige git. Viu hei, das hani scho brichtet, würklech öppis mit dr Farb z tüe. Meischtens isch dr Härd e chly rötlech, wüu dr Yseghaut höch isch oder de isch ds Wort «rot» e Abwandlig vo dr Tätigkeit «rode». 

Viu vo de Ortsnäme bestöh scho syt Jahrhunderte. Eine vo dene mitere länge Gschicht isch «Rothkraut». Scho imene Dokumänt usem Jahr 1225 isch «ze Rottcrut vnd j zu Signouw» erwähnt. Imene Dokumänt vo 1426 steit, was dert isch: «haisset das guot am Rotkrutt» – es isch auso es Bureguet, es Heimet. Dr Historiker Jahn schrybt 1850 i sim Wärch, dass das «Rotkrut» i däm Gebiet sygi, wome hüt «Outere» – im Telefonbuech steit «Oltern» – sägi. 

Öb das stimmt, weiss i nid. Uf au fäu wird «Rotkrut» nume bis so um 1550 brucht u «Outere» – denn het isch «Alteren» gschribe worde – isch so um 1500 zersch-mau brucht worde. Das chönnt öppe ufgah. «Outere» isch, das nume näbeby, nid eifach z düte. Es dörfti aber vomene Personename abstamme, wie «Altheri». 

No schwieriger isch Dütig bim «Rotkrut». Klar hei scho d Römer «Brassica oleracea» kennt u es isch müglech, dass dert viu Rote Chabis isch aabout worde. Villech isch dert aber o Chrut grodet worde.

De sogar richtig brutau tönt d Gschicht, wo vom Ortsname Röthebach isch verzeut worde: Bi dr Chiuche Würzbrunne heigs einisch e findleche Überfau gä. Die ganzi Chiuche syg zerstört worde u dr Bach syg vom Bluet rot gfärbt gsy – so syg dr Name «Röthebach» entstange. Der Ortsname «Würzbrunne» sinersyts göng ufe Umstand zrügg, dass die Chiuche dert bis uf d Wurzle kaputt gmacht worde syg. 

So ydrücklech die Gschicht isch; d Realität isch de glücklicherwys chly weniger bluetig. Dä Ortsname cha eifach aus «bim rote 

Bach» dütet wärde. Intressant isch no, dass fasch die hütegi Schribwys «Rötebach» isch scho imene Dokumänt usem Jahr 1275 brucht worde.  



04.07.2019 :: Bruno Zürcher
Meistgelesene Artikel
Kolumne:

 

Loïc In-Albon – einer der Lichtblicke in finsteren Zeiten der Tigers
SCL Tigers: Auch wenn die SCL Tigers derzeit resultatmässig schlechte Zeiten durchleben, gibt es doch auch...
Saison-Ende für Freimettigen
Eishockey, 2. Liga: Das wars mit dem Wunsch-Ziel: Playoff-Final. Für Freimettigen ist die Saison nach dem...
Kiesgrube Dicki: Gut 60 Prozent  sagen Ja zur Erweiterung
Hasle: Dass der Kiesabbau im Dicki erweitert werden soll, war an der Gemeindeversammlung unbestritten. Zu...
Wenn administrative Umwege zur neuen ARA-Brücke führen
Langnau: Die so genannte ARA-Brücke soll neu gebaut werden und zwar so, dass sie bei Hochwasser rasch...
Wochen-Zeitung
Brennerstrasse 7
3550 Langnau i. E.
Tel. 034 409 40 01
Fax 034 409 40 09
info@wochen-zeitung.ch
Redaktion: 034 409 40 05
Öffnungszeiten:
Montag - Freitag
07:30 - 12:00 Uhr
13:30 - 17:00 Uhr